مدونة كويتيات النسائية

مع / أم / ضـــد ؟ في الغالب للاسف ( ينتهي ) الزواج بطريقة غير حضارية وكلها مشاحنات ومليئة بالتعقيد . والعناد ‼ وفِي الجانب الاخر نرى ( قلة قليييلة ) من هم ينفصلون بتوافق تــام لمصلحتهم و مصلحة عيالهم في أزواج يبقون على تواصل ودي وصداقة محترمة وتعاون مستمر عشان عيالهم . بعيداً عن انانيتهم . بصراحة أحييهم نحتاج نشوف رقي اكثر في حالات الانفصال . ليش دايما نشوف العناد ومشاكل تارسه المحاكم و انتقام ..الخ ‼ كوني معلمة اختلط مع أولياء الأمور . شفت ولاحظت كذا حالة الام والأب في تعاون مستمر عشان عيالهم ومتابعتهم دراسياً + والاحتفال بمناسباتهم مع بعض بصراحة شي جداً طيب وممتاز . الله يكثر من امثالهم هل تعتقدون بالإمكان الانفصال على اتفاق؟ وخلق صداقة جديدة عشان مصلحة الاطفال ؟ هل بإمكانج تكونين صديقة متعاونة مع طليقج عشان عيالج يعيشون في بيئة مريحة خالية من المشاحنات ؟ / اذا طلب منج طليقج تكونين على علاقة ودية عشان طفلج . توافقين ام ترفضين؟ / عمرج شفتي حالات انفصال على توافق؟ وتعاون ودي واحترام؟