مدونة كويتيات النسائية

سؤال مهم . وزني راح ينزل بدون رياضه لمه اقلل اكلي؟ اي راح ينزل! عيل ليش نسوي رياضه مع الدايت؟ عشان نشوف نتيجه أسرع . لانه في ناس ماتشوف نتيجه سريعه و حلوه و يحوشهم احباط و ايضاً لانه الرياضه مفيده لصحتنا! - خلوني اقولكم شنو فوايد الرياضه حق الناس الي مالهم خلق يمارسونها بشكل اساسي . الرياضة لها تأثير ايجابي على صحتنا مثل: التقليل من فرصة الإصابة بأمراض القلب تزيد من كفاءة القلب تزيد قوة العضلات ترفع المرونه و اللياقه تقلل من فرصة الاصابة ببعض انواع السرطان مثل سرطان الثدي و القولون تحسن وظائف المخ و تقلل من الاكتئاب تعطي شعور بالنشاط و الحيوية تزيد الثقه بالنفس لانه تعطي شكل جمالي للجسم تقلل من نسبه الدهون بالجسم و تزيد الكتله العضليه الرياضه تعطي عمر اصغر للشخص تقوي العظام تحسن كفاءة النوم ترفع مناعة الجسم ضد الامراض الميكروبيه تقلل من الآم الدورة الشهرية - اتوقع الفوايد هذه كافيه ان تعطيكم دافع تتمرنون و تتحركون، مع تقدم العمر راح تشكرون نفسكم لانكم اهتميتو بجسمكم و صحتكم من عمر صغير لانه هالشي راح يبعد عنكم وايد امراض "بإذن الله"