مدونة كويتيات النسائية

السلام عليكم, أنا وحده متضررة من قانون القروض الجديد واقولكم السبب بالسابق الواحد يقدر ياخذ قرض من البنك سواء 5 سنين أو 10 أو 15 لأي غرض أما الحين فصار مافي الا نوعين من القروض قرض للسيارة والاحتياجات الاستهلاكيه بحد أقصى 15 ألف وبمده 5 سنين فقط أو قرض لشراء وترميم البيت بحد أقصى 70 ألف وبمده 15 سنه أنا وحده كنت ناويه أخذ قرض علشان أكمل دراستي بالخارج وتفاجأت أنه البنك ما يمسحلي الا بقرض بو 15 ألف وبمده 5 سنين وهذا غير مناسب بتاتاً للدارسين على حسابهم لأنه أولا تكاليف الدراسه أكثر من 25 ألف دينار (تخصصي صيدله) ثانيه قرض ال 5 سنين قسطه عالي وهذا ما يناسبني خلال فتره الدراسه نظراً لتكاليف السفر والسكن فكل ما قل القسط كان افضل (مثلا 15 ألف على 5 سنين 270 شهريا لو كان 15 سنه يكون 100-120 شهريا)