مدونة كويتيات النسائية

حنيذ بقدر الضغط حنيذ بقدر الضغط تستاهل الاضافه والمتابعه ❤ غسلت اللحم وفركته بالبهارات والملح زين(كمون..فلفل اسود..بهار التركي..كزبرة مطحونه..كركم..بابريكا..وثوم وبصل بودرة)ثم لفيته بقصدير ودخلته داخل قدر الضغط بدون ماء وعلى نار بالبداية عالية لين نسمع صوت الصفارة ثم نارهادية لمدة لاتقل عن نص ساعه..او لين يستووي. افتح عليه راح الاقي طالع منه شوي مرق من نفسه انا مااضفت له ولا نقطة موية..(وراح ناخذ هالمرق لتسقية الرز ) . احط فنجال زيت وفحمه مشتعله داخل اللحم واغطي عليه حتى يتبخر اللحم. الرز. بقدر ضغط ثاني قليت بصل مع الزيت واضفت له البهارات الحب(هيل..قرفه..ورق غار..مسمار)ثم اضفت الرز المغسول ومنقوع لمدة ربع ساعه. وموية حارة والملح وفلفل حار للنكهه وبطاطس مقطع ارباع واقفل عليه لين يستوي. بعد مايستوي الرز ناخذ من مرقة لحمتنا الي طلعت ونشرب فيها الرز يعطيه طعم ونكههه لذيذة. ثم يقددم. وبالعافيه