مدونة كويتيات النسائية

كيك الليمون كيك الليمون .. الخليط اما بيتي كروكر او العلالي وانا افضل العلالي اكثر في الطعم نطبق نفس ماهو مكتوب في الكرتون اللهم البيض اخليه بيضتين بدل من ٣ والزيت ربع والماء اقل شوي . واصبه في هالقوالب وادخلها الفرن ماتطول يعني لاتبعدون عنها . بعد ماتطلع ازينها بصوص الحليب مركز محلى بس قليل ورشة جوز هند رطب محمص وبالعافيه (( الصينيه )) انا شريتها من زمان في هزاز اكيد راح تلاقونها في اي محل كماليات او اواني . ولقيت مثلها في ابو خمسه

دجاج الكريمة و الليمون دجاج بَ الكريمه والليمون اول طبقه ( مكعبات بطاطس مبهره مقليه او بالفرن او اذا عندكم قلايه هوائيه اصح ) البهارات حسب ذوقكم ✨ ثاني طبقه ( صدور دجاج مقطعه و متبل بهارات + ثوم نسويها بالفرن او بالقلايه بعد ) ✨ ثالث طبقه الكريمه : بَ مقلاه ع النار زيت زيتون و ثوم اذا صار ذهبي شويه اضيف بقدونس او كزبره والبهارات ( ملح فلفل اسود كمون كزبره ثوم وبصل باودر ) ثم نضيف مرقه خضار او نذوب ٢ ملعقه صغيره شوربه خضار ارض الطبيعه بَ كوب ماي ونضيف كوبين كريمه طبخ وعصير ليمونتين وَ ملعقه نشا مذوبه اذا ثقل الخليط شوي نضيف جبن بارميزان ( اختياري الجبن ) ندخل الصينيه الفرن ونشغل عليه يتحمر من فوق فقط للمزيد من الوصفات زوروا مو قعنا مطبخ كويتيات