للمغتربات ادخلي و اكتفي من السبب في ما بحدث؟

في يوم من الأيام قابلت زميلتي (س

ع) وهي ترتدي عباءة سوداء من القماش الثقيل وفضفاضه تفاجئت في الوهلة الأولى لأني لم اعهد زميلتي من قبل بهذا الأحترام..

فقد كانت تلبس العباءة المخصرة المطرزه التي توحي للناظر بأنها فستان.

وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه بعد حديث مطول بيني وبينها سألتني: باين عليك انك مستغربة من عباتي لأن مو بالعاده البس كذا !! اجبتها : بصراحه ايه بس ماحبيت اسألك ابتسمت في وجهي قائله: الحمدلله الي هداني الى طريق الصح والله يوفق ويصلح الي كان السبب - أي سبب؟؟؟؟ اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم وانا اتمشى بالمجمع لاحظت ان شاب قاعد يراقبني بنظراته ...وبعدين - تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني - ايه وبعدين وش صار!!!!! بعد ماوصلنا مكان شبه معزول بس كان فيه ناس وقفني وقال لي: حرام عليك الي تسويه فيني .تبغيني ارتكب الحرام غصب انا انصدمت من كلامه وقلت له: وش تقصد؟؟ قال: انتي مو شايفه شكلك مو شايفه عبايتك مو شايفه مشيتك..

والله حرام عليكم تلفتون انتباهنا وتخلونا نرتكب الحرام بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري وبعدها رجعت البيت وانا افكر في كلامه ..

طول عمري اتزين واتمكيج .

بس كنت اتوقع اني بحمل سيئات نفسي مو سيئات كل شخص الفت انتباهه.

يعني اذا لفت انتباه 100 شاب بكره يوم القيامه ربي بحاسبني عليهم اكثر ما بحاسبني على نفسي وقعدت ابكي وابكي وابكي واستغفر ربي على جهلي وقرت اني التزم بعباية محترمه واغطي وجهي عسى الله ان يغفر لي ذنوبي صديقاتي واخواتي لا تبالغي في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لاتضمنين نظرة الشباب اليك..

فلا تجعلي عبائتك وحشمتك حجه عليك يوم القيامه دعونا جميعاً نتمسك بالعباءة الاسلاميه ولنفتخر جميعنا بخلو عبائتنا من الألوان والزينه *** سالفة ثانيه قد سمعتها: واحد من الشباب يقول اني ماأحب أروح السوق خاصة بهالأيام من شئ اشوفه من البنات وأحياناً أروح غصب عني مع أهلي والله اني قد ماأقدر احاول اغض بصري واتصد واتعارك مع ابليس .

ويحلف بالله .

واله_ مع كل محاولاتي_ ان طلعتي هذي تأثر علي 5 ايام .

ماأقدر أصلي فيها زي اول .

ولا أصوم مثل أول .

(( هذا وهو ملتزم وعنده رادع ديني .

اجل كيف الي مطلق لنفسه العنان؟!!!)) حرام عليكم يابنات تراك مسؤله عن كل رجال يشوفك(يشوف وجهك...عيونك..يدينك) بدايةً من السواق الى الهندي والبقالي ..واصحاب المحلات البنانين وغيرهم .

الى المتسوقين .

.

حتى لو كانت عيونك موب ذاك الزود لا تقولين عيوني ميب زينه ليش اغطيها ؟؟ لا تقولين ماحطيت كحل ولا شادو ليش اغطيها من زينها قلبي كل هذا تلبيس ابليس احذري منه والله يوم القيامه بتعلق برقبتك امه كلهم يقولون: يارب هي الي فتنتنا .

يارب هي السبب.

وانتي هذاك الوقت محتاجة حسنه وحده .

والله الي ماتخاف بالدنيا .

بتخاف بالآخره.

وبعدين ذنوبنا اكثر من اننا نتحمل ذنوب خلق الله.

حتى في الدومات يتكشخون ويتعطرون اختلاط وابتلاءات تفتن خلق الله والله عيب ويقولون كشخه ومدري شنو الله يهدي الجميع