أحنا طالعين عشان تلعب نام ..انت تعبان ..نام اسكت الحين اكل انت مو يوعان وأوامر كثير طول الوقت‼ لما بتتعاملين مع ابنك تذكري انك بتتعاملين مع شخص ثاني مستقل عنك .
ممكن جدا يكون متوتر او مكسل او مو رايق وانتي في قمة حماسك واستعدادك للانبساط او الخروج.
وممكن جدا وقت مابتكونين محتاجه راحه وهدوء يكون هو في عز انطلاقة و نشاطه .
هو مو نسخه منك .
ولا المفروض يكون جذي .
ولا المفروض يضبط مزاجه على البرنامج حقك .
ولا العكس منك .
ماعليه الموضوع غالبا بيكون مرهق لك .
بس تخيليها وحده صديقتك مثلا .
ينفع تخرجين معاها بالغصب وهي مزاجها مو رايق .
ولا ينفع تجبرينها تسكت وهي ودها تتكلم وتكونين متضايقه من انها تسولف معاكِ مثلا ؟ اظن لا .
لانك مدركة انها انسانه مستقله .
صح .
طيب و ابنك ؟ لا هذا يسمع الكلام غصباً عليه ويسوي اللي انا ابيه عشان انا ماما .
وانا ابي مصلحته .
اعرف المفروض متى ينام ومتى يكون نشاط ومتى يسكت ومتى يلعب .
ونرجع نشتكي من العناد .
ماهو لازم يعاند عشان يقولك انا موجود وربنا خلقني مستقل ‼ تقبلك للحقيقة هذي و التفاهم معاه هو حلك الوحيد .
لا تظلين تشتكين منه .
خوذي نفس وتقبلي الحال عشان تعرفين تتعاملين معاه تقبلوهم احترموا استقلاليتهم
تعليقات
إرسال تعليق