لو ظليتي تسعين وراء التميز والتفوق والمثالية بتظلين تركضين وتركضين وتركضين وفجأة تلاقين نفسك طحتي وانكسرتي ومابقى فيج حيل توقفين بعد ولا طاقة !! ابنك اللي طول السنة يذاكر وممتاز ممكن يتعب قبل الإمتحانات بيومين ويستمر التعب لآخر الإمتحانات وتحسين إن تعب السنة كله راح بنتك المتفوقة في التمرين تزهق وقت المسابقة ومستواها ينزل فجأة وتخيب توقعاتك وآمالك بيتك اللي على طول بيلمع من النظافة يوم ماتعبتي وماقدرتي ترتبينه جولك ضيوف فجأة .
أكلك اللي دايما ممتاز يوم العزومة انحرق عشان كنتي مشغولة بكذا حاجة الوصول للقمة صعب والنزول من عليها من أسهل ما يكون .
فلاتخلين عينك على القمة خلي هدفك إنك تأدين أعمالك وتتقنيها على الوجه اللي يرضى الله ورسوله ولا تخافي سؤال الله عليها وعلمي اولادك جذي عليهم السعي وعلى الله التوفيق كافئيهم وكافئي نفسك على مجهودكم مو على النتايج لإن حواليها ظروف كثير أنتي مو متحكمة فيها لاتنتظرين رأي الناس فيج ولا في تربيتك ولا في نظافة بيتك وطبخك !! كفاية إنك راضية عن نفسك وزوجك ووالدك راضيين ورب العباد راضي عليج وفروا طاقتكم للإرتقاء بحياتكم ونفوسكم وخبراتكم ولاتدخلون في سباقات وحروب آخرتها خسارة كل شيء .
_ منقول بتصرف✍الي ربات البيوت تابعيني علي الفيس للمزيد... ☺من ذوقك عدم حذف التوقيع ..
نتمني لكم كل الفائده
تعليقات
إرسال تعليق