السلام عليكم ورحمة الله وبركاته بنات شخباركم شمسوين انا مخطوبة لي سنة تقريبا وقلت على بداية السنة حددت انا وخطيبي بإن نعرس بس المشكلة ان علاقتي مع امي مو لي ذاك الزود والسبة انها تغار من ام خطيبي بإني اغليها وارتاح لها اكثر من امي لان امي دايماً تفضل خواتي علي وتخليني اخر اهتماماتها وتبي لهم الزين بإستثنائي وطبعا لان باسكن ببيت خطيبي لان القى راحتي اكثر معاهم ، ولاني انا الجامعية وخواتي ثانوية ف تغار من وايد اشياء وكانت معارضة زواجي منه .
إلخ المهم ان قررت اسوي استقبال وامي شاورتني قالت لي بنسوي استقبال بدون حفلة عرس وبعدها سافروا ، لاتستغربون عندنا عادي استقبال بعدين سفر ف ماعرف شنو اجهز حق الاستقبال غير المضيفات و الصواني الموالح والحلويات ونأجر صالة بغيت استشيركم شنو ألبس وطبعا شنو اجهز حق بيت خطيبي شنو اشتري وشنو اخلي من ملابس وغيرها .
ابيكم تفيدوني بحكم ان عايلتنا مافيها بنات غيري انا وخواتي وخواتي مو على قلب معاي
تعليقات
إرسال تعليق