الحل النهائي لمشكلة الشعر تحت الجلد

مشكله الشعر تحت الجلد

الموضوع نزلته زمان وحبيت ارجع انزله لان كثير يسالني عنه ، وكل ماقلت انه موجود بالحساب يطلبون مني اعاده

من أكثر الاشياء المزعجه على الجلد أن يكون شعر تحت الجلد ومو قادره تشلينه وبنفس الوقت الشعر ماتقدر تطلع بشكل الطبيعي

والسبب هو ازاله الشعر بطريقه سيئه سواء بالموس ، او بكريمات ازاله الشعر اللي تشيل لك نص الشعره

في هالمشكله عندنا حالتين :

الحاله الاولى : يكون المشكله سهله وبسيطه ونقدر نعالجها بشكل طبيعي وغير مكلف ويكون الجلد اللي فوق الشعره خفيف او متوسط

الحل بهالحاله :

التقشير ويكون ( سكر ، زيت ) او ( ملح الحليب ، ملح البابايا ) او السنفره الجاهزه

تحتاجي ايضا الى ليفه خشنه شوي مثل ( الليفه المصريه ، ليفه القفاز ، او الفرشه اللي يكون شعرها الالياف للجسم واكثر شي تكون للظهر مره ممتازه

والاستمرار على التقشير على الاقل يوم أيه ويوم لا لاحد ماتختفي المشكله وبهالفتره نهتم بالترطيب

لكن البعض يكون عندهم نقط بنيه تعرف ب ( جلد الدجاجه ) اكتبو بالقوقل وشوفوا شكلها ☝

الجلد يكون فيه نقط بنيه مقفل على مسام الجلد وبهالحاله نحتاج الى مرهم معالج من الصيدليه يشيل لك هالطبقه لان التقشير الطبيعي ماراح يكفي للعلاج وفي خيارات كثير لمثل هالمقشرات الطبيه من ماركه أفين ، وايضا اكرتين وغيرهم لكن الافضل استشاره الصيدلي

علشان نتجنب هالمشكله ابتعدي عن الامواس بالاضافه ان لمااتقرري تشيل شعر جسمك اعملي سنفره خفيفه في نفس اليوم ، واخيراً بعد ازاله الشعر اكبر غلط ان تعرضي الجلد للماء