 |
| كبسة لحم |
كبسه لحم
المقادير
رز
لحم غنم
ملح
بهارات الكبسه اللي ماعندها تحط اي بهار منوع عندها
بهارات حب ( هيل، قرفه، قرنفل( المسمار ) ..) بصل
ثوم
فلفل اخضر
طماطم
اصابع فلفل حار
جزر مقطع دوائر عند الرغبه
خلطه التحمير للحم
زيت زيتون
معجون طماطم
بهار كاري
كركم
الطريقه
يقطع البصل مع الثوم صغار ويوضع مع شوي زيت ع النار ومعهم البهارات الحب واحرك لين يبتدي يذبل و يصير لونه ذهبي فاتح
احط اللحم و بهار الكبسه واقلب شوي لين يتغير لون اللحم شوي واخذ نكهه البهار
اضيف ماي + قطع متوسطه من الفلفل الاخضر البارد وانتبه ماضيف الملح حاليا ،، ، واحط طماطم مقطعه اربع قطع ،، والجزر
انتظر لين تطلع رغوه ع السطح واشيلها لان هذي اللي فيها زفره اللحم
وبعدين اغطي عليه طبعا انا سويته في جدر الضغط خذ وقت ٤٥ دقيقه تقريبا ويختلف حسب نوع اللحم وحجم الذبيحه،، وانتبه ل كميه الماي انها تكون كافيه حتى مايجف الماي واللحم مانضج .
المهم بعد ماينضج اللحم تماما اشيل اللحم واحط الرز المغسول ع ماي سلق اللحم واحط الملح واضيف اصابع الفلفل الحار ولازم يكون مقدار الماي يناسب كميه الرز لو الماي زايد اشيل منه ولو ناقص ازيده ماي ،
اخليه ع نار عاليه في البدايه لين الرز يبتدي يكون ع السطح بعدين اخفف واخليه ع نار هادئه لين جف
بالنسبه ل اللحم
اخلط مقادير التغطيه
واملح اللحم لان مافيه ملح وادهن اللحم زين ب الخلطه وادخله الفرن مجرد يتحمر
بعدين اقدمه مع الرز
هنا زينته ب بصل مقلي و صنوبر و لوز محمر و بقدونس وبس ❤️❤️
ملاحظه ؛ لكل كوب رز ملعقه كبيره ملح
لكل كوب رز كوبين ماي طبعا ممكن يختلف المقدار حسب نوع الرز بس هذي القاعده بشكل عام ،،
للمزيد من الوصفات زوروا موقعنا مطبخ كويتيات
تعليقات
إرسال تعليق