تفتيح منطقة الابط

تفتيح منطقة الإبط

الابط من المناطق الحساسة المعرضة للاسمرار فحبيت اعطي بعض النصايح عنها باذن الله بتفيدكم ؛:

1- لازم تعرفون ان اي زيادة بالوزن او سمنة تعتبر من الاسباب الرئيسيه لاسمرار هذي المنطقه و ان اي نزول بالوزن راح يساعد بشكل ملحوظ في تفتيح و تبييض المنطقه بل كونوا متأكدين من هالشي

2- طريقة ازالة الشعر تأثر و الافضل هي ازالة الشعر بالليزر ممتازه لهذه المنطقه عشان لا يزيد الاسمرار من الطرق التقليديه لازالة الشعر

3- استخدام عطور بشكل مباشر عالجلد غير مخصصه لهذه المنطقة تزيد من اسمرارها لازم ندير بالنا

4- اي حساسيه ممكن تسبب حكة و بالتالي احمرار فاسمرار بزيادة عشان جذي لازم تعالجين اي تحسس و تراجعين الطبيب ما تهملينها

5- الملابس الجديد خاصة اللي الوانها غامقه يجب غسلها قبل لبسها لان في منها اقمشتها رديئة و تطّلع لون اللي ممكن يتفاعل مع الجلد اذا ما غسلناها و كذا مره لين تنظف

6- استخدام مزيل عرق طبي او ذو نوعية ممتازة تناسب البشرة و راح اخصص لهالشي بوست قادم

7- استخدام خلطات او صنفرات خشنه غير معروفة التركيبة قد يكون له نتايج عكسيه و دعك هذي المنطقه بشدة بهذي الصنفرات يسبب احتكاك حساسيه تهيج واحمرار للجلد في هذي المنطقه بعدها اسمرار بزيادة و بعد استخدام الليمون ما يفضل لان يسبب نتايج عكسيه فيزيد المشكله تفاقم

8- الحين وصلنا للي الكل ناطرة كريمات تفتح هذي المنطقة و ارد و اقول كريمات احماض الفواكه اللي ينكتب عليها aha هي الأكثر امانا لهذه المنطقة و لان فيها وااااايد تراكيز ضروري تبدون بالاقل 5٪‏ اذا كانت النتيجه جيدة استمروا عليها اذا جيدة و لكنها غير مرضية تبون تفتيح اكثرشوي فلا تزيدون عن 10٪‏ عشان لا تصير نتايج عكسيه و انا افضل تطلون 5٪‏ حتى لو النتيجه بطيئه لكنها بدون نتايج عكسيه و تفتيح امن فشي حلو جدا و طريقة الوضع تكون مره عالابط تدهنون كمية بسيطة منها ليلا قبل النوم و بس

اما عن امثلة لهذه الكريمات وااااايد و كثيرة بالصيدليات مثل ما قلت لكم المهم انها تكون مقشرات احماض فواكه مكتوب عليها aha و الاسامي اللي بقولها مو دعاية لانه ذبحتوني بدعاية و دعاية و تزعجني هالكلمة لاني ابي افيدكم و الله اللي بحطها مجرد امثلة و بس للعلم عندكم ريكسول aha 5% ممتاز و مثال بعد ريفيتول aha اغلى شوي من ريكسول بس نفس المفعول للامانه و لكم حرية الاختيار حتى لو مو من هالاسامي عادي لانها ارد و اقول حطيتها كأمثلة فقط لاااااااغيييييير

د.جوووووج