صبحكم الله بالخير
ومبارك عليكم باقي الشهر ! << كلش مو متأخره
بس قلت خو مايصير خو أسوي شي ويعجبني وماقولكم عنه
~{ Oreo Cake }~
 |
| { كيكة الاوريو المنعشه Oreo Cake ~ |
* المقادير :
نص علبة كيك بني (انا استخدمت ماركة العلالي)
علبة قشطه/قيمر
ظرفين دريم ويب
٢ سكوب ايسكريم فانيلا
بسكوت اوريو
* الطريقة :
** الطبقة الاولى > الكيكة : وهذي تحصلونها مكتوبه بالتفصيل ورا علبة الكيك ، وبقولكم الي موجود عندي
١- نسخن الفرن على درجة حرارة ١٨٠ C من تحت بس
٢- ناخذ نص المقادير المكتوبه ورا العلبه والمكونه من بودرة الككاو والبيض والزيت والماي ، انا ضفت شووووية فانيلا سائله مادري ليش حسيت لازم دام فيها بيض ، وبعدها نحطهم بالخلاط
 |
| { كيكة الاوريو المنعشه Oreo Cake ~ |
٣- نصبها بصينيه صغيره وندخلها الفرن لمدة ٣٠-٣٥ دقيقه ، وبيكون هذا شكلها بعد ما تستوي
** الطبقة الثانية > نخلط الايسكريم مع الدريم ويب مع القيمر بالخلاط لما يتجانس (بخلاط البيض) ، وبعدها نكسر بسكوت الاوريو حسب الرغبه ونخلطه يدوي مع الخليط
أخيرا .
انييب قالب الجيز كيك (انا استخدمت الصغير قطره ٢٠ سم) ، ونفتت فيه الكيك ونرصه ، وبعدها نصب الطبقة الثانية على الكيك ، ونزينه بكيفنا ، وندخله الفريزر لحد مايتماسك ، ونطلعه قبل التقديم بربع ساعه وهذا الشكل النهائي بعد مانقصها وبالعاااافيه
لاحظوا ان الكيكه صايره نص البسكوته ، يعني مووووعاليه لا يغركم الشكل ، اذا تبون اكثر حطوا ضعف الكميه ، بس هذي خفيفه حليوه ^ــ^
راي الاهل انها لذييييييييذه وعجبتهم الحمدلله ، وميزتها انها خفيفه ومكوناتها معقوله يعني مافيها سوالف دسسسسمه وايد
** أذكركم بمواضيعي بالمطبخ
~ فوندو FoNdUe ~
{ ماسالا الدجاج الصحيّه ~
~ شيش طاووق } كأنه من المطعم
{ مولتن كيك ساااااايح من داخل ~
تعليقات
إرسال تعليق